ஈரோட்டில் டயபாலிக்!

அன்பு நண்பர்களே வணக்கம்!

 இந்த மாத புத்தகத்தை உங்களிடம் ஒப்படைத்த கையோடு யாயாஹூ என்று சொல்லத் தோன்றுகிறது! அந்தளவுக்கு வேலை வாங்கி விட்டது! நேரடி இத்தாலிய மொழியென்பதால், கொஞ்சம் மெனெக்கெடல் கூடுதலாகி விட்டது! அதுவும் முதல்முறையாக போனெல்லி கதைகள் நமது வகம் காமிக்ஸில் வெளிவர இருப்பதால் கண்ணில் விளக்கெண்ணெய் ஊற்றாத குறையாக சகலத்தையும் பார்த்த பிறகே பிரிண்டிங்கிற்கு சென்றது! இதனால் சற்று தாமதமும் ஆகிவிட்டது!  இந்த இரண்டு கதைகளுமே ஒன்றுக்கு ஒன்றுக்கு சளைத்ததில்லை என்றே சொல்லத் தோன்றும் அளவிற்கு இருக்கிறது! ஒன்று க்ரைம் த்ரில்லர் என்றால், மற்றொன்று அறிவியல், ஆக்‌ஷன் த்ரில்லர் முதல் கதை நேர்கோட்டுக் கதையென்றால், இரண்டாவது கதை கொஞ்சம் complexities நிறைந்த கதை! கொஞ்சம் ரிலாக்ஸ் மைண்ட்டோடு படித்தால் இந்த 208 பக்க கதைகளை ரசிக்க நிறைய உள்ளது! கதையை படித்த கையோடு கடைசி பக்கத்தில் கொடுக்கப்பட்டுள்ள கதையில் இருந்து சில சுவராஸ்யமான தகவல்களையும் படித்தால், அடடே இதை மிஸ் பண்ணிட்டோமான்னு இன்னொரு முறை படித்தாலும் ஆச்சர்யப்படுவதிற்கில்லை! 

புத்தகங்கள் இன்று மாலை வந்த உடனே சந்தாதாரர்கள் பாதி பேருக்கு புத்தகத்தை அனுப்பி வைச்சாச்சு! திங்களன்று இதோட ரிசல்ட்டுக்காக காத்திருக்கிறேன்! புதிய தடம், புதிய சைஸ் என மாற்றத்துடன் இந்த மாத புத்தகம் வெளிவந்துள்ளது! நிறைய விஷயங்கள் நிறைய மாற்றங்கள், நிறைய புதிய நாயகர்கள் என நமது முயற்சி தொடர்ந்து கொண்டுதான் இருக்கின்றன. இதன் பலனாக நம் பால்யத்தில் நம்மையெல்லாம் கிறங்கடிக்கச் செய்த இரும்பு மனிதர் டிடெக்டிவ் ஜெட் விரைவில் நமது வகமில் உலாவரப் போகிறார் என்ற செய்தியை கேள்விப்பட்டதும் நிறைய உற்சாக துள்ளலை அங்கங்கே காண முடிந்தது! சீக்கிரமாகவே இவரை வெளியிட ஆவன செய்கிறேன்! இவரோடு நில்லாமல் இன்னொரு புதிய நாயகரும் மார்ச் மாத சிஸ்கோ இதழில் அறிவிப்பு வரும்! அவர் யார் என பார்த்து தெரிந்து கொள்ளுங்கள்! 

அடுத்த மாதம் சிஸ்கோவின் வழக்கமான மூன்று கதைகளை தாங்கி வெளிவருகிறது! இரத்த வெறியர்கள், மரணப் பள்ளத்தாக்கு, பழிக்குப் பழி, இந்த வருட சிஸ்கோ கதைகள் கொஞ்சம் ஓவர் டோஸ் என்பதும் எனக்கும் புரிகிறது! அடுத்த வருடம் முதல் வருடத்திற்கு மூன்று புத்தகங்கள் மட்டுமே வெளிவரும் படி பார்த்துக் கொள்கிறேன்! இறுதியாக 2024 ல் இன்னொரு அதிரடி நாயகரும் நமது வகம் காமிக்ஸில் இணையப் போகிறார் என்கிற கொசுறுத் தகவலையும் சொல்லிவிட்டு விடை பெறுகிறேன் நன்றி வணக்கம்!