ஈரோட்டில் டயபாலிக்!

நண்பர்களே வணக்கம்

வகம் காமிக்ஸ் தொடங்குவதற்கு முன்பு, எந்த காமிக்ஸை போடுவதென்று சிந்தித்துக் கொண்டிருந்த போது, சட்டென நினைவுக்கு வந்தது உள்ளூர் காமிக்ஸ் மட்டும்தான், ஏனெனில், அயல்நாட்டு கதைகள் எல்லாம் ராயல்டி (லைசன்ஸ்) அதிகமென்பதால், உள்ளூர் காமிக்ஸ்களையே போடுவதென்று முடிவெடுத்து முதலில் அணுகியது அமர் சித்திரக்கதை நிறுவனத்தை! அவர்கள் போட்ட கண்டிஷன் ஒத்து வராததால், அடுத்து பைகோ நிறுவனத்தை கேட்டு பார்த்தேன். அவர்களே தமிழில் போடுவதாக சொல்லியதால், அதையும் மறந்து விட்டு, அடுத்து நண்பர் ஒருவர் சொன்னதால் யாளி ட்ரீம்ஸ் கதைகளை கேட்டு இருந்தோம். ஒப்பந்தம் முடிவாகும் தருணத்தில், திடீரென வெறொரு கம்பெனிக்கு கைமாறி விட்டது! அடடா இதுவும் போச்சான்னு விரக்தியில் இருக்கும் போது தான் நம்ம கார்மோடி கிடைத்தார். உடனே அவரை பேசி முடித்து விட்டு மளமளவென வேலைகள் நடந்து கொண்டிருக்கும் போதே, சிஸ்கோவும், பிரிட்டிஷ் கதைகளும் கிடைத்தன. ஆஹா ஒவ்வொரு கதைகளாக ஒவ்வொரு மாதம் போட்டு வந்தாலும் ஒரு இரண்டு வருடத்திற்கு வண்டி ஓட கதைகள் உள்ளன என்று பெருமிதம் கொண்டிருந்தேன். அதன் பிறகு நிறைய கதைகள் கிடைத்து கொண்டிருக்க, இரண்டு, மூன்று, நான்கு, ஐந்து கதைகள் என போட வேண்டிய சூழ்நிலையை உருவாக்கி விட்டது. இப்போது நான்கு, ஐந்து மாத கடுமையான முயற்சிக்குப் பின்னர், பொனெலியின் கதைகளும் கிடைத்து விட்டது. நான் முதலிலேயே சொன்னது போல் இந்தத் துறையில் நீடிக்க வேண்டுமென்றால் பணம் என்கிற விட்டமின்கள் நிறைய இருந்தால்தான் இதில் தொடர்ந்து நீடிக்க முடியுமென்று. சரி நாமளும் முடிந்தவரை பயணிப்போம் என்று விட்டு விட்டேன். அதன் பிறகு நிறைய நண்பர்கள் சந்தா போட்டு பாருங்கள்! உங்கள் தடையில்லா பயணத்திற்கு வழித்துணையாக இருக்கும் என சொல்ல, நானும் பல நாட்கள் சித்தித்து சரி அடுத்த வருடம் சந்தாவை போட்டுத்தான் பார்க்கலாம் என்ற முடிவுக்கு வந்து, இதோ 2023 அட்டவணையும் இங்கே கொடுத்துள்ளேன்! வருட பட்ஜெட் போடுவது போல என்னால் முடிந்த கதைகளை (விலைகளை) தேர்ந்தெடுத்து போட்டுள்ளேன்! இந்த சந்தா திட்டத்தில் பலர் இணைந்தால், இன்னும் நிறைய காமிக்ஸ் கனவுகளை நனவாக்கலாம். இந்த கதைகள் மட்டும் இல்லாமல் இன்னும் சில நிறுவனத்தோடு சில கதைகளையும் பேசி வருகிறேன்! அந்த கதைகள் கிடைத்தால், ஏதேனும் சந்தர்ப்பத்தில் அதையும் வெளியிட முயற்சிக்கலாம், 2023 வருட சந்தா கதைகள் பற்றிய கருத்தையும் அனைவரும் தெரிவித்தால், நல்லாயிருக்கும்! எப்படியோ 2023 ம் வருடம் ஓடிவிடும் அடுத்து 2024 அதற்கான திட்டமிடல்கள் இதுவரை எதுவும் இல்லை! எல்லாம் நல்லதாகவே நடக்கும் என்ற நம்பிக்கையில் கடந்து போவதை தவிர. நன்றி மீண்டும் அடுத்த பதிவில் சந்திக்கலாம்!         

 பின் குறிப்பு -

கையிருப்பில் உள்ள கதைகளை கொண்டு, இந்த 2023 அட்டவனையை உருவாக்கியுள்ளேன். அதுவும் புதிதாக நிறுவனம் தொடங்கி ஐந்து மாதங்கள் ஆவதற்குள், இந்த கதைகள் யானைப் பசிக்கு சோளப்பொறி போலத்தான் இருக்கும் என்பது ஐயமில்லை! எதுவாக இருந்தாலும் கருத்திடுங்கள் - நன்றி