சிஸ்கோ கிட் ஸ்பெஷல்

அன்புடையீர் வணக்கம்

வகம் காமிக்ஸ்  வெளியிட  முடிவு  செய்ததுமே முதலில் முடிவானவர் கேனான் பால் கார்மோடிதான்! அதன், பிறகு இரண்டாவதாக முடிவானவர் வன்மேற்கின் நமது அபிமான நாயகரான சிஸ்கோகிட் தான்! கார்மோடி  புத்தகம் வெளிவந்த பிறகு,  கதை, மொழிபெயர்ப்பு, மேக்கிங் என எல்லாவற்றிலுமே  சிறப்பான பெயர்  பெற்றிருந்தாலும், விற்பனையில் சற்று மந்த நிலையாகவே  சென்றதால்,  சற்று  ஏமாற்றத்துடனே  சிஸ்கோவின் பணியை தொடங்கப்பட்டது! முதலில், ஏற்கனவே வெளிவந்த கதை ஒன்று , இதுவரை வெளியிடப்படாத இரண்டு கதைகள் என தேர்வு செய்து, அதனை  மூன்று நண்பர்களுக்கு மொழிபெயர்க்க அனுப்பப்பட்டது! மொழிபெயர்ப்புக்கு அனுப்பிவிட்டு இந்த கதைக்கான முன் அட்டைப்படத்திற்கு எதை  போடுவது  என்று  யோசித்துக்  கொண்டிருக்கும் போது, ஏதேதோ  சிஸ்கோ அட்டைகளை ஆன்லைனில் தேடிப் பார்த்தும் எதுவும் தோதாக சிக்கவில்லை!

 

சிஸ்கோவிற்காக காப்பி ரைட்ஸ் வாங்கியவரும் கதைத்  தொடருக்கான  டிஜிட்டல் பைல் மட்டுமே அனுப்பி இருந்தாரே, தவிர அட்டைப் படங்கள்  எதுவும் தராததால்  என்ன  பண்ணுவது  என்று தீவிரமாக யோசித்துக்  கொண்டிருக்கும் போது,  இதைப்பற்றி திரு, கர்ணன் அவர்களிடம் பேசிக் கொண்டிருக்கும் போது, கவலையை விடுங்கள் ஏதாவது நல்லதா கருப்பு வெள்ளை இமேஜை அனுப்புங்கள்! நான் அதனை  கலர்  பண்ணித்  தருகிறேன் என்று நம்பிக்கையாய்  சொன்னதுமே, நானும்  நிறைய  சிஸ்கோ  படங்களை  தேடிக் கொண்டிருக்கும்  போது, சிஸ்கோ கிட்டின் ஆங்கில பதிப்பக புத்தகத்தில் ஒரு பெண்ணை காதல் ரசனையுடன் கொஞ்சுவது போல ஒரு  படம் கண்ணில் பட, அட இது கொஞ்சம் வித்தியாசமாக இருக்கிறது! அதேசமயம் இது போன்ற ஒரு படத்தை யாரும் அட்டைப்படத்திற்கு முயற்சி செய்ததில்லை என்று, அந்த படத்தை தேர்வு செய்து, திரு. கர்ணன் அவர்களுக்கு அனுப்பி வைத்தேன்!  

 

அவரும்  ஒரு மூன்று நாள் எடுத்துக் கொண்டு, நான்காவது நாள்  வண்ணம் தீட்டிய  அட்டைப் படத்தை  அனுப்பி வைத்தார்! அதை  பார்த்தவுடனே ரொம்ப கிளாசிக்கா  இருக்கே  என்று பரவசப்பட்டு, அதனை  நண்பர்களுக்கும்  ஷேர்  செய்தேன். அவர்களும் அதை பார்த்து விட்டு, உடனே  ரொம்ப  பிரமாதமாக  உள்ளது  இதை  ஹோல்டு பண்ணி  வையுங்கள். ஐந்து கதைகள் சேர்த்து, சிஸ்கோ காம்போ மலராக தீபாவளிக்கு போட்டு  விடலாம் என்று  கருத்தும் தெரிவித்தார்கள்!  ஆனால், எனக்கு அதில்  உடன்பாடு  ஏற்படவில்லை! ஐந்து சிஸ்கோ கதைகள் ஒரே இதழில் வந்தால் அது சற்று திகட்டி விடும் என்று கருதி அத்திட்டத்தினை மறுத்து விட்டேன்! சிஸ்கோ ஸ்பெஷல் 1ல்  மூன்று கதைகள் சரியான தீர்வாக இருக்குமென்று, அதில் ஒரு கதை ஏற்கனவே வெளிவந்த கதை மற்ற இரண்டு கதைகள் புதிய கதையாக முடிவு செய்து விட்டு,  முதல் புத்தகத்திற்கு  இந்த அட்டையே வந்தால் நன்றாக இருக்கும் என்று தீர்மானத்தி, அந்த அட்டையையே ஓகே செய்த பிறகு, பின் அட்டையும் மடமடவென  தயாரானது!  மூன்று கதைகளின் மொழிபெயர்ப்பும்  வந்ததும், அதை மூன்று வெவ்வேறு  நண்பர்களுக்கும் மேற்பார்வைக்கு அனுப்பி வைத்துவிட்டு,  டிடிபி  வேலையும் முடிந்து கடைசியாக உள்கட்ட  இணைப்பு வேலைகளை  பார்த்துக் கொண்டிருக்கும் போது, எனது  உடல்நலம் சற்று பாதிக்கப்பட்டு  ஒரு 15 நாள் தாமதமானது!

90%  சதவிதம் உடல்நிலை சரியான நிலையிலேயே,  சரி  இன்னும் தாமதப்படுத்த  வேண்டாம்  என்று கருதி,  மீதி  இருக்கும்  10% சதவித வேலைகளும்  முடித்து  பிரிண்டருக்கு  அனுப்பி  வைத்துவிட்டேன். அவர்கள்  தயார்  செய்து  அனுப்பும்  புத்தகத்திற்காக  காத்திருந்தபோது, அவர்களும்  கொஞ்சம்  தாமதப்படுத்தி  விட்டார்கள் ! சரி  தாமதமும்  ஒரு வகையில்  நல்லது தான்  என்று  நினைத்துக் கொண்டு,  புத்தகம்  ஒரு வழியாக  வந்து  சேர்ந்ததுமே  பேக்கிங்  வேலைகளை மடமடவென  பண்ண  ஆரம்பித்து, மறுநாள்  முன்பதிவு பண்ண சிலநண்பர்களுக்கு  அனுப்பிட்டு, ரிசட்டுக்காக காத்திருக்க தொடங்கினேன்.  புத்தகம் கைப்பற்றிய  உடனே  எல்லோரும்  புத்தக மேக்கிங்,  அட்டைப்படம், பேப்பர் குவாலிட்டி  எல்லாமே  அட்டகாசமாக  உள்ளதாக பலர்  கருத்து தெரிவித்த வண்ணமாக இருந்தனர். இதனை பார்த்ததுமே  ரொம்ப சந்தோஷமா இருந்தது!  அது இல்லாமல்  ஒரு காமிக்ஸ் ஆர்வலர்கள்  அதிலும் இதுவரை  புத்தகத்தை பற்றிய  கருத்தை இதுவரை  சொல்லாதவர்களும் இப்புத்தகத்தை பற்றி சிலாகித்து கருத்து சொன்னதோடு,  கவிதையையும் சிஸ்கோவிற்காக  எழுதுவதை  பார்க்கும்போது  ரொம்ப சந்தோஷமாகவும், ஆனந்தமாகவும்  இருந்தது! அதே சமயம் இன்னும் சிறப்பாக செய்ய வேண்டும் என்ற கூடுதல் பொறுப்பும் படபடப்பும் அதிகரித்துவிட்டது!

 

வகம் காமிக்ஸ் வெளிவந்த இரண்டாவது இதழுக்குப் பிறகு, ஒரு ஸ்பெஷல்  இதழ் போடலாம்  என்று  முடிவு  செய்துள்ளேன்!  அதை  தீபாவளி மலராக  வெளியிட உத்தேசித்து,  அதில்  ஆறு கதைகள்  இடம் பெற்றால் சிறப்பாக இருக்கும் என்று கருதி பிரிட்டிஷ் கதைகளை தேர்வு செய்ததில், முதலாவதாக மனதில் வந்தவர்  வெகுமதி  வேட்டையன்  ஜான்  (இவர்  ஏற்கனவே  தமிழில்  ஜான் ராம்போவாக  அறிமுகம் ஆகியுள்ளார் ) அடுத்ததாக  ராஸ் ஹார்பர் , கேப்டன் டாம், கெர்க், ஜோனஸ் போன்ற நாயகர்களின்  கதைகளைக் கொண்டு தீபாவளி மலர்  தயாராகிக் கொண்டிருக்கிறது! எப்படியும்  தீபாவளிக்கு முன்னதாக கொண்டு வரவும் வேலைகள் மும்முரமாக நடந்து  கொண்டிருக்கிறது! இதுவும் தாமதம் ஏற்படாமல் வெளிவந்து விடும் என்றே நினைக்கிறேன்!  ஒவ்வொரு புத்தகமும் வெளிவரும் போதெல்லாம் அதனுடைய மதிப்பீடு தெரிந்து கொள்ள ரொம்ப ஆவலாக உள்ளேன்.  இரண்டு புத்தகமும் நல்ல மதிப்பீடு பெற்று வந்துள்ளது இதன் நம்பிக்கையிலேயே மூன்றாவது  புத்தகமும் தயாராகிக் கொண்டிருக்கிறது! அதுவும் வாசகர்களிடம் அமோக ஆதரவையும், வரவேற்பையும் பெருமென்ற நம்பிக்கையுடன்  விடை பெருகிறேன்

மீண்டும் தீபாவளி மலர் வெளிவந்தவுடன் அதைப் பற்றி சிலாகிப்போம் நன்றி நண்பர்களே -

பின் குறிப்பு :

கடைசியாக குதிரையில்  அமர்ந்தவாறு போஸ் கொடுத்துக் கொண்டிருக்கும் சிஸ்கோ கிட் படத்தை இலங்கையை சேர்ந்த காமிக்ஸ் வாசகரும் எனது இனிய நண்பருமான வினோபா அவர்கள்! வரைந்தது. சிஸ்கோ கிட் போடுவது என்று முடிவானதுமே நண்பர் வினோபாவிடம் ஒரு சிஸ்கோ கிட் படம் வரைந்து கொடுங்கள். அதை வெளிவரும் சிஸ்கோ புத்தகத்தில் போட்டு விடலாம் என்று சொல்லியிருந்தேன்! அவரும் மடமடவென வரைந்து அனுப்பி விட்டார். மிகத் திறமையான கலைஞர்! அவரின் கதைகள் இரண்டு உள்ளன. அவற்றை வரும் மாதங்களில் தோதான சமயத்தில் போட்டு விடலாம்! வகம் காமிக்ஸ் சார்பாக அவருக்கு வாழ்த்துகளை தெரிவித்து கொள்கிறேன்!